Prime Financial Services İqtisadiyyat Nazirliyi yanında Dövlət Vergi Xidməti orqanından Vergi Müvəkkili Sertifikatını almış ilk və hazırda ölkəmizdə vergi müvəkkilliyi sahəsində fəaliyyət göstərən yeganə şirkətdir. Vergi ödəyicilərinin vergi müvəkkili ilə birgə işləməsinə şərait yaradılması üçün Dövlət Vergi Xidməti ilə Prime Financial Services şirkəti arasında Saziş imzalanmışdır.

Sazişin şərtlərinə görə, vergi ödəyicilərinə nəzarət baxımından risk meyarlarına əsasən, vergi müvəkkilinin xidmət göstərdiyi vergi ödəyiciləri vergi orqanları üçün vergi nəzarəti baxımından ən aşağı risk qruplarına aid edilir. Belə olduğu təqdirdə, vergi orqanları birbaşa vergi ödəyiciləri ilə ünsiyyətə girərək onlarla əlaqə qurmaqdansa (buraya səyyar və kameral yoxlamalar və digər araşdırmalar daxildir), vergi müvəkkilləri ilə qarşılıqlı əlaqə qurur.