ŞƏHLA AXUNDOVA
Şəhla Axundova 19 yanvar 1976-cı ildə Bakıda anadan olub.
1993-cü ildə Sankt-Peterburq Dövlət Universitetinin "İqtisadiyyat və Hüquq" fakültəsinə qəbul olunub və 1998-ci ildə tam ali təhsilini tamamlayaraq universiteti uğurla bitirib.
1998-2014-cü illər ərzində maliyyə meneceri, maliyyə və inzibati direktor, beynəlxalq təşkilatların nümayəndəsi kimi müxtəlif şirkətlərdə mühüm vəzifələrdə çalışıb.
2014-cü ildə TEAS-da qrup üzrə maliyyə direktoru və biznes məsləhətçisi kimi fəaliyyət göstərib. O, həmçinin "European Azerbaijan School", "Libraff", "TEAS-Press", "TEAS-Yayım Turkey" və "TELLs" daxil olmaqla 14 şirkətin maliyyə idarəçiliyinə rəhbərlik edib.
Eyni ildə "ERP SYSTEMS" şirkətini təsis edib və bu günədək onun rəhbəri olaraq fəaliyyətini davam etdirir.
2019-cu ildə İSCA Təhsil Akademiyasını, 2022-ci ildə isə tərəfdaşları ilə birlikdə "NEW ZEON – IT Digital Hub"ı təsis edib.
Hazırda Şəhla Axundova diqqətini rəqəmsal innovasiyalar, təhsil və texnologiya təşəbbüslərinin inkişafı, startap ekosisteminin gücləndirilməsi, ağıllı biznes həllərinin tətbiqi, eləcə də mühəndislik və IT sahəsində istedadlı gənclərin dəstəklənməsi və onların beynəlxalq bazara çıxışına şərait yaradılması, həmçinin texnoloji sahədə yeni nəsil peşəkarların yetişdirilməsi istiqamətində cəmləyib.
