“Caspian Energy Club”ın təşkilatçılığı ilə həyata keçirilən “Business Tour”lar çərçivəsində şirkətlərin rəhbərləri və nümayəndələri fərqli istehsal sahələri və bu sahələrdə tədbiq olunan üsullar haqqında məlumat əldə edirlər. Həmçinin iştirakçılar, istehsal prosesində istifadə olunan xammal, avadanlıq və məhsullarla daha yaxından tanış olurlar. Müəssisə rəhbərləri və top-menecerləri ilə birbaşa dialoq sayəsində yeni əlaqələr qurulur və davamlı işgüzar əlaqələr inkişaf etdirilir.
Bundan əlavə, bu növ tədbirlər şirkətlərə həmin müəssisələrin yerləşdiyi şəhər və rayonların icra hakimiyyətləri ilə əlaqə qurmaq imkanı yaradır. Bu, sahibkarlara onların biznesini və peşəkar networking-lərini genişləndirməyə kömək edir, regionlardakı istehlakçılara məhsul və xidmətlərin təqdim edilməsini və regional inkişaf proseslərinin təşviqini aktivləşdirir.
