“Umid Babek Operating Company” Əməliyyat Şirkəti “Umid Babek Operating Company” Əməliyyat Şirkətinin (UBOC) Azərbaycan Respublikasındakı filialı Bakı şəhərindən 75 km cənubda, Xəzər dənizinin Azərbaycan hissəsində yerləşən “Ümid-Babək” dəniz blokunun kəşfiyyatı və işlənməsi üzrə neft-qaz əməliyyatlarını həyata keçirir. “Ümid-Babək” blokunun kəşfiyyatı və işlənməsi üzrə Risk Service Contract (RSC) 2017-ci il yanvarın 12-də imzalanıb və həmin ilin mayında qüvvəyə minib. RSC çərçivəsində UBOC şirkətinin səhmdarları SOCAR (80%) və "Nobel Upstream" (UK) şirkətləridir (20%). “Ümid” yatağının kəşfi 24 noyabr 2010-cu ilə təsadüf edir və Azərbaycanın müstəqillik dövründə SOCAR tərəfindən kəşf edilən ilk qaz-kondensat yatağı kimi tarixə düşüb. Yataq 2012-ci ildə istismara verilib. Hesablamalara görə, yatağın ümumi ehtiyatı 200 milyard m3 qaz və 40 milyon m3 kondensat həcmində qiymətləndirilir.