Vüsal Şıxəliyev “Caspian Energy Club”ın üzvləri ilə görüşüb

“Caspian Energy Club”ın təşkilatçılığı və Azərbaycan Respublikası Prezidentinin Administrasiyasının İqtisadi siyasət və sənaye məsələləri şöbəsinin İqtisadi islahatların monitorinqi, koordinasiyası və qiymətləndirilməsi sektorunun müdiri, Biznes mühiti və beynəlxalq reytinqlər üzrə Komissiyanın Katibliyinin rəhbəri Vüsal Şıxəliyevin iştirakı ilə növbəti “B2G Forum” keçirilib. Bu barədə “Caspian Energy Club”ın sədri və qrupun baş icraçı direktoru Telman Əliyev bildirib.
“B2G Forum”da  iqtisadiyyatın həm neft, həm də qeyri-neft sektorunu təmsil edən bir sıra dövlət və özəl şirkətlərin top-menecerləri və nümayəndələri iştirak edib.
Iştirakçıları salamlayan tədbirin fəxri qonağı Vüsal Şıxəliyev “Caspian Energy Club”a təşəkkürünü bildirib və Klub üzvləri ilə əməkdaşlığın inkişafı üçün əlindən gələn töhfələri verməyə davam edəcəyini vurğulayıb.
“B2G Forum” çərçivəsində Vüsal Şıxəliyev tərəfindən “Biznes mühitinin daha da yaxşılaşdırılması üzrə prioritetlər və özəl sektorla əməkdaşlıq” barədə edilən təqdimat iştirakçılar tərəfindən böyük maraqla qarşılanıb və interaktiv fikir mübadiləsi ilə müşaiyət olunub.
Vüsal Şıxəliyevin sözlərinə görə, Azərbaycan Respublikası Prezidentinin sərəncamı ilə 13 iyul 2016-cı ildə yaradılan Biznes mühiti və beynəlxalq reytinqlər üzrə Komissiya effektiv koordinasiya, davamlı əməkdaşlıq və inklüzivliyə əsaslanan idarəetmə modeli əsasında biznes mühiti islahatlarının sürətləndirilməsinə mühüm töhfə verməkdədir.
“Cənab İlham Əliyevin rəhbərliyi altında həyata keçirilən “İqtisadi İslahatların İdarəedilməsi Modeli” İqtisadi Əməkdaşlıq və İnkişaf Təşkilatının (OECD) Dövlət Xidmətlərində İnnovasiyaların Observatoriyası (OPSI) platformasında Azərbaycandakı “İqtisadi İslahatların İdarəedilməsi Modeli” nümunəvi innovativ təcrübə kimi rəsmən qəbul olunmuşdur”, - deyə Vüsal Şıxəliyev bildirib.
Vüsal Şıxəliyev 2023-2024-cü illər ərzində Komissiya çərçivəsində irəli sürülən bir sıra iqtisadi təşəbbüslərdən, hazırlanmış islahat layihələri haqqında geniş məlumat təqdim edib.

“Bu dövr ərzində Komissiya müvafiq dövlət qurumlarının rəhbərliyi altında 35-dən çox normativ hüquqi aktın layihəsini hazırlamış, biznes mühitinin əlverişliliyinin artırılmasına xidmət edən mühüm qanunvericilik sənədləri qəbul olunmuş, yeni elektron xidmətlər və platformalar istifadəyə verilmiş, elektron sistemlərin tətbiq dairəsi genişləndirilmişdir”, - Vüsal Şıxəliyev əlavə edib.

Cari il üçün olan prioritet istiqamətlərdən danışan Vüsal Şıxəliyev, biznes startapları üçün rəqəmsal dövlət xidmətlərinin genişləndirilməsi, “yaşıl” binalar və “yaşıl tikinti” ilə bağlı norma və standartların hazırlanması və qəbulu, daşınmaz əmlakın ilkin qeydiyyatı üzrə elektron sistemin yaradılması, su şəbəkəsinə qoşulma üzrə tələb olunan prosedurların, müddətin və xərclərin azaldılması və “bir pəncərə” prinsipinin tətbiqi, dövlət məşğulluq xidmətlərinin rəqəmsallaşma səviyyəsinin artırılması, "yaşıl maliyyələşmə" kimi layihələri xüsusi vurğulayıb.
“Bundan əlavə, Rəqəmsal İdarəetmə Platforması yeni iqtisadi təşəbbüslərin tətbiqinin daha da sürətlənməsinə təkan verəcəkdir. Bu platformadan əsas gözləntilərimiz qanunvericilik təşəbbüslərində elektron iştirak, işçi qrupların iclaslarında müzakirə üçün təklif və layihələrin elektron qaydada göndərilməsi, işçi qrupları ilə interaktiv əlaqənin yaradılması, biznes sahələri üzrə yeni təşəbbüs layihələri barədə qabaqcadan ətraflı məlumatın alınması və s. bu kimi istiqamətlərləri qeyd etmək vacibdir”, - Vüsal Şıxəliyev bildirib.
“B2G Forum”da həmçinin “Biznes mühiti və beynəlxalq reytinqlər üzrə Komissiya”, “2023-2024-cü illər ərzində aparılan ən son iqtisadi islahatlar” barədə təqdimatlar dinlənilib.
Daha sonra Azərbaycan Respublikası Prezidenti Administrasiyasının İqtisadi siyasət və sənaye məsələləri şöbəsinin İqtisadi islahatların monitorinqi, koordinasiyası və qiymətləndirilməsi sektorunun baş məsləhətçisi Elvira Siraczadə tərəfindən təqdim olunan “Dünya Bankının “Business Ready” hesabatı dinlənilib.
Davos formatlı “sual-cavab” sessiyası çərçivəsində Rəqəmsal İdarəetmə Platformasının idarəetmə paneli, funksional alətlər və nəzarət sistemi, Elektron Məlumatlandırma Sistemi, Komissiyanın internet portalındakı əsas yeniliklər mövzular geniş işıqlandırılıb, iştirakçıları maraqlandıran suallar cavablandırılıb, problemlər dinlənilib, sözügedən mövzular ətrafında fikir mübadiləsi aparılıb.
Sonda Telman Əliyev tədbirin fəxri qonağı Vüsal Şıxəliyevə görüşə qatıldığına və iştirakçılarla səmimi ünsiyyətinə görə təşəkkürünü bildirib və “Caspian Energy Club”ın Fəxri üzvlük sertifikatı təqdim edib. Eyni zamanda “Caspian Energy Club”ın yeni üzvlərinə üzvlük sertifikatları təqdim olunub.
“B2G Forum” şirkət nümayəndələrinin ünsiyyəti üçün təşkil edilmiş networking hissəsi ilə yekunlaşıb.
 
“Caspian Energy Club” dünyanın 50 ölkəsindən 5000-dən çox şirkəti birləşdirən dinamik və inkişaf edən regional təşkilatdır. Biznes-hökümət dialoqunun fəal iştirakçısı olan “Caspian Energy Club”ın əsas məqsədi Azərbaycanda və “Caspian Energy Club”ın fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialoqların stimullaşdırılmasından və onlarda fəal iştirak etməkdən ibarətdir.
Biznes-networking üçün beynəlxalq platforma olan “Caspian Energy Club” mütəmadi olaraq müxtəlif tədbirlər təşkil edir. 
Mənzil-qərargahı Bakıda yerləşən “Caspian Energy Club”ın əsas fəaliyyəti Mərkəzi Dəhliz ölkələrini əhatə edir. Klubun həmçinin Almaniya, BƏƏ, Böyük Britaniya, Çexiya, Estoniya, Finlandiya, Gürcüstan, Qazaxıstan, Qırğızıstan, Latviya, Özbəkistan, Polşa, Türkiyədə rəsmi nümayəndəlikləri, habelə dünyanın müxtəlif ölkələrində səlahiyyətli nümayəndələri var.
“Caspian Energy Club International” 2023-cü ildə “Caspian Energy Club”ın beynəlxalq layihələrini idarə etmək məqsədi ilə yaradılmışdır. 5 il ərzində “Caspian Energy Club International” dünyanın 100 ölkəsində klubun fiziki ofislərini açmağı planlaşdırır. “Caspian Energy Club International”ın əsas öhdəliklərindən biri nümayəndələrin təyin olunmadığı ölkələrdə klubun fəaliyyətini idarə etmək, eləcə də, bütün xarici nümayəndəliklər üçün ümumi
strategiyanın formalaşdırılmasıdır.Vüsal Şıxəliyev “Caspian Energy Club”ın üzvləri ilə görüşüb

“Caspian Energy Club”ın təşkilatçılığı və Azərbaycan Respublikası Prezidentinin Administrasiyasının İqtisadi siyasət və sənaye məsələləri şöbəsinin İqtisadi islahatların monitorinqi, koordinasiyası və qiymətləndirilməsi sektorunun müdiri, Biznes mühiti və beynəlxalq reytinqlər üzrə Komissiyanın Katibliyinin rəhbəri Vüsal Şıxəliyevin iştirakı ilə növbəti “B2G Forum” keçirilib. Bu barədə “Caspian Energy Club”ın sədri və qrupun baş icraçı direktoru Telman Əliyev bildirib.
“B2G Forum”da  iqtisadiyyatın həm neft, həm də qeyri-neft sektorunu təmsil edən bir sıra dövlət və özəl şirkətlərin top-menecerləri və nümayəndələri iştirak edib.
Iştirakçıları salamlayan tədbirin fəxri qonağı Vüsal Şıxəliyev “Caspian Energy Club”a təşəkkürünü bildirib və Klub üzvləri ilə əməkdaşlığın inkişafı üçün əlindən gələn töhfələri verməyə davam edəcəyini vurğulayıb.
“B2G Forum” çərçivəsində Vüsal Şıxəliyev tərəfindən “Biznes mühitinin daha da yaxşılaşdırılması üzrə prioritetlər və özəl sektorla əməkdaşlıq” barədə edilən təqdimat iştirakçılar tərəfindən böyük maraqla qarşılanıb və interaktiv fikir mübadiləsi ilə müşaiyət olunub.
Vüsal Şıxəliyevin sözlərinə görə, Azərbaycan Respublikası Prezidentinin sərəncamı ilə 13 iyul 2016-cı ildə yaradılan Biznes mühiti və beynəlxalq reytinqlər üzrə Komissiya effektiv koordinasiya, davamlı əməkdaşlıq və inklüzivliyə əsaslanan idarəetmə modeli əsasında biznes mühiti islahatlarının sürətləndirilməsinə mühüm töhfə verməkdədir.
“Cənab İlham Əliyevin rəhbərliyi altında həyata keçirilən “İqtisadi İslahatların İdarəedilməsi Modeli” İqtisadi Əməkdaşlıq və İnkişaf Təşkilatının (OECD) Dövlət Xidmətlərində İnnovasiyaların Observatoriyası (OPSI) platformasında Azərbaycandakı “İqtisadi İslahatların İdarəedilməsi Modeli” nümunəvi innovativ təcrübə kimi rəsmən qəbul olunmuşdur”, - deyə Vüsal Şıxəliyev bildirib.
Vüsal Şıxəliyev 2023-2024-cü illər ərzində Komissiya çərçivəsində irəli sürülən bir sıra iqtisadi təşəbbüslərdən, hazırlanmış islahat layihələri haqqında geniş məlumat təqdim edib.

“Bu dövr ərzində Komissiya müvafiq dövlət qurumlarının rəhbərliyi altında 35-dən çox normativ hüquqi aktın layihəsini hazırlamış, biznes mühitinin əlverişliliyinin artırılmasına xidmət edən mühüm qanunvericilik sənədləri qəbul olunmuş, yeni elektron xidmətlər və platformalar istifadəyə verilmiş, elektron sistemlərin tətbiq dairəsi genişləndirilmişdir”, - Vüsal Şıxəliyev əlavə edib.

Cari il üçün olan prioritet istiqamətlərdən danışan Vüsal Şıxəliyev, biznes startapları üçün rəqəmsal dövlət xidmətlərinin genişləndirilməsi, “yaşıl” binalar və “yaşıl tikinti” ilə bağlı norma və standartların hazırlanması və qəbulu, daşınmaz əmlakın ilkin qeydiyyatı üzrə elektron sistemin yaradılması, su şəbəkəsinə qoşulma üzrə tələb olunan prosedurların, müddətin və xərclərin azaldılması və “bir pəncərə” prinsipinin tətbiqi, dövlət məşğulluq xidmətlərinin rəqəmsallaşma səviyyəsinin artırılması, "yaşıl maliyyələşmə" kimi layihələri xüsusi vurğulayıb.
“Bundan əlavə, Rəqəmsal İdarəetmə Platforması yeni iqtisadi təşəbbüslərin tətbiqinin daha da sürətlənməsinə təkan verəcəkdir. Bu platformadan əsas gözləntilərimiz qanunvericilik təşəbbüslərində elektron iştirak, işçi qrupların iclaslarında müzakirə üçün təklif və layihələrin elektron qaydada göndərilməsi, işçi qrupları ilə interaktiv əlaqənin yaradılması, biznes sahələri üzrə yeni təşəbbüs layihələri barədə qabaqcadan ətraflı məlumatın alınması və s. bu kimi istiqamətlərləri qeyd etmək vacibdir”, - Vüsal Şıxəliyev bildirib.
“B2G Forum”da həmçinin “Biznes mühiti və beynəlxalq reytinqlər üzrə Komissiya”, “2023-2024-cü illər ərzində aparılan ən son iqtisadi islahatlar” barədə təqdimatlar dinlənilib.
Daha sonra Azərbaycan Respublikası Prezidenti Administrasiyasının İqtisadi siyasət və sənaye məsələləri şöbəsinin İqtisadi islahatların monitorinqi, koordinasiyası və qiymətləndirilməsi sektorunun baş məsləhətçisi Elvira Siraczadə tərəfindən təqdim olunan “Dünya Bankının “Business Ready” hesabatı dinlənilib.
Davos formatlı “sual-cavab” sessiyası çərçivəsində Rəqəmsal İdarəetmə Platformasının idarəetmə paneli, funksional alətlər və nəzarət sistemi, Elektron Məlumatlandırma Sistemi, Komissiyanın internet portalındakı əsas yeniliklər mövzular geniş işıqlandırılıb, iştirakçıları maraqlandıran suallar cavablandırılıb, problemlər dinlənilib, sözügedən mövzular ətrafında fikir mübadiləsi aparılıb.
Sonda Telman Əliyev tədbirin fəxri qonağı Vüsal Şıxəliyevə görüşə qatıldığına və iştirakçılarla səmimi ünsiyyətinə görə təşəkkürünü bildirib və “Caspian Energy Club”ın Fəxri üzvlük sertifikatı təqdim edib. Eyni zamanda “Caspian Energy Club”ın yeni üzvlərinə üzvlük sertifikatları təqdim olunub.
“B2G Forum” şirkət nümayəndələrinin ünsiyyəti üçün təşkil edilmiş networking hissəsi ilə yekunlaşıb.
 
“Caspian Energy Club” dünyanın 50 ölkəsindən 5000-dən çox şirkəti birləşdirən dinamik və inkişaf edən regional təşkilatdır. Biznes-hökümət dialoqunun fəal iştirakçısı olan “Caspian Energy Club”ın əsas məqsədi Azərbaycanda və “Caspian Energy Club”ın fəaliyyət göstərdiyi digər ölkələrdə investisiya və işgüzar mühitin yaxşılaşdırılmasından, həmçinin B2G, B2B və B2C formatlarında dialoqların stimullaşdırılmasından və onlarda fəal iştirak etməkdən ibarətdir.
Biznes-networking üçün beynəlxalq platforma olan “Caspian Energy Club” mütəmadi olaraq müxtəlif tədbirlər təşkil edir. 
Mənzil-qərargahı Bakıda yerləşən “Caspian Energy Club”ın əsas fəaliyyəti Mərkəzi Dəhliz ölkələrini əhatə edir. Klubun həmçinin Almaniya, BƏƏ, Böyük Britaniya, Çexiya, Estoniya, Finlandiya, Gürcüstan, Qazaxıstan, Qırğızıstan, Latviya, Özbəkistan, Polşa, Türkiyədə rəsmi nümayəndəlikləri, habelə dünyanın müxtəlif ölkələrində səlahiyyətli nümayəndələri var.
“Caspian Energy Club International” 2023-cü ildə “Caspian Energy Club”ın beynəlxalq layihələrini idarə etmək məqsədi ilə yaradılmışdır. 5 il ərzində “Caspian Energy Club International” dünyanın 100 ölkəsində klubun fiziki ofislərini açmağı planlaşdırır. “Caspian Energy Club International”ın əsas öhdəliklərindən biri nümayəndələrin təyin olunmadığı ölkələrdə klubun fəaliyyətini idarə etmək, eləcə də, bütün xarici nümayəndəliklər üçün ümumi
strategiyanın formalaşdırılmasıdır.