RƏŞAD HÜSEYNLİ
“SOCAR-Uniper”
Direktorlar Şurasının üzvü
Rəşad Hüseynli 30 sentyabr 1978-ci ildə Bakı şəhərində anadan olub.
İlk ali təhsilini Azərbaycan Dövlət Dillər Universitetində alıb. "Germanistika" ixtisası üzrə bakalavr təhsilini 1999-cu ildə və magistratura pilləsini 2001-ci ildə fərqlənmə diplomu ilə bitirib. Təhsil aldığı dövrdə iki dəfə Almaniya Akademik Mübadilə Xidmətinin (DAAD) təqaüd proqramlarının qalibi olub və ikinci ali təhsilini Almaniyanın Boxum Ruhr Universitetində "İctimai İdarəetmə" ixtisası üzrə alıb.
Peşəkar karyerasına 1999-cu ildə Almaniyanın "Siemens" şirkətində assistent-tərcüməçi kimi başlayıb. Daha sonra Almaniya Texniki Əməkdaşlıq Cəmiyyətinin (GİZ) Hüquq İslahatları Layihəsində ekspert kimi çalışıb və layihə rəhbəri vəzifəsinə yüksəlib (2000-2005). Növbəti iş yeri Almaniyanın yeraltı tikinti üzrə ixtisaslaşmış "Tauber" şirkətində layihə rəhbəri olub (2005-2010). Sonraki dövr isə Almaniya Federal Ədliyyə Nazirliyinin Beynəlxalq Hüquq Əməkdaşlığı Fondunun (İRZ) Azərbaycan üzrə koordinatoru vəzifəsini icra edib (2010-2014).
Rəşad Hüseynli 2014-cü ildən etibarən Almaniyanın "Uniper" şirkətinin Azərbaycan nümayəndəliyinin rəhbəri, 2016-cı ildən isə “SOCAR-Uniper” LLC birgə müəssisəsinin Direktorlar Şurasının üzvüdür.
